Pa TUR skol di Kòrsou un pakete kompletu di Lès di Arte Plástiko (gratis)

Ku un sonrisa riba su kara Dudley Rojer huntu ku su amigu Magno Polonius ku ta un fotógrafo pashoná a bishitá tur skol rònt Kòrsou den e bunita djip di Dudley. Nan a entregá na KADA skol un pakete kompletu di Kuartèt di Arte ku ta konsistí di 8 wega i un guia di lès ku blachi di tarea na Papiamentu i na Hulandes. Kada bishita a keda memorá ku un potrèt dilanti di e skol ku e emblema di e skol. Mas di 100 potrèt di alumno- i dosentenannan alegre i entusiasmá. Gosa di e impreshonnan bunita di kada un di e momentunan aki.

Lusette Verboom, Nicole Henriquez en Louis Hilgers

PS
Tin posiblidat ku nos por a lubidá un skol (RKCS, DOS, VPCO, òf partikular). Por fabor laga nos sa esaki. Ya asina e skol aki tambe lo resibí su pakete. I na final esaki ……… No tabata posibel pa pidi tur hende pèrmit pa publika nan potrèt (por eskrito). Di antemano nos ta pidi nos diskulpa si tin algun inkonveniensia pa pone potrèt di un òf otro persona. Laga nos sa esaki pa por remediá e asuntu.